डीभी २०२१ का लागि आवेदन खुला

असोज १५ ।
संयुक्त राज्य अमेरिकाले डाइभर्सिटी भिसा डीभी २०२१ का लागि आवेदन खुला गरेको छ । आनलाइनमार्फत डिभीका लागि आजदेखि नोभेम्बर ५ सम्म आवेदन दिन सकिनेछ । अमेरिकाको आप्रवासी ऐन इमिग्रेसन एण्ड नेशनालिटी एक्टको व्यवस्था अनुसार डिभीका लागि आवेदन खुला गरेको हो । जस अनुसार अमेरिकामा कम आप्रवासी भएका मुलुकका नागरिकलाई अमेरिकाले चिठ्ठामार्फत भिसा उपलब्ध गराउँछ । डिभीमार्फत यस वर्ष ५५ हजारका लागि भिसा उपलब्ध गराउने सूचनामा जनाइएको छ । डिभी भरेवापत कुनै शुल्क लाग्ने छैन । अघिल्ला वर्षका शर्त यथावत राख्दै यसपटक अमेरिकाले डिभी भर्नका लागि पासपोर्ट नम्बर चाहिने नयाँ व्यवस्था गरेको छ । साथै जारी गरिएको देश र पासपोर्टको म्याद अवधि पनि उल्लेख गर्नु पर्नेछ । तर डिपेन्टेन्टमा जानेका लागि भने यो आवश्यक छैन । यसैगरी कम्युनिस्ट देशका नागरिक र देशविहीनहरूका लागि पनि इन्टरनेशनल ट्राभल पासपोर्ट नम्बर नचाहिने आवेदनको सूचनामा उल्लेख छ ।

तपाईको प्रतिक्रिया दिनुहोस